Еркеш Шәкеев ұлының қайтыс болуы жайлы жаңа деректерді айтты

Композитор Еркеш Шәкеев Facebook желісіндегі парақшасында жазба қалдырды, ол онда ұлының неден қайтыс болғандығы жөнінде жаңа мәліметтерді атады, - деп хабарлайды Tengrinews.kz тілшісі. Дереккөз: Tengrinews.kz

1
Еркеш Шәкеев

“Ол жазатайым жағдайда қайтыс болды, Есентай өзенінің бөгетіндегі шлюзге қатты жақындап кеткен. Сенімдімі, куәгерлер оны соңғы рет көрген жердегі жағалаудың бөлігі жоқ, сондықтан кішкене жар көшкіні болуы мүмкін. Куәгер адам оның қай жерде отырғанын және бетін жуып жатқанын айтқан, алайда қазіргі кезде ол жерден қол созып су алу мүмкін емес”, – деді Шәкеев.

Қазақстандық композитор көмек көрсеткен барлық адамға алғыс білдіріп, өзіне олардың қолдауы үлкен жеңілдік болғанын айтты. Сонымен қатар, Шәкеев қайтыс болған ұлы туралы теріс пікір қалдырып жүргендерге жауап қайтарды. Ол өз жазбасында ондай адамдарды азғын, сұрқия, сұмпайы және мүсәпір адам екендігін атап өтті.

Сонымен қатар, Шәкеев Әлихан Алтынбеков есімді жігіттің сұрағына жауап берді. “Ұлым туралы фильмді мен өзімнің екі досыммен бірігіп түсірдім. Бұл оның атап өтілмеген туған күніне арналады, сондай-ақ оны іздеуге қатысқан еріктілер мен қолдаушыларға арналады. Сафар он алты жасынан бері елде туған күнінде болған емес және фильм түсіруі үшін оның маған ешқандай еңбек сіңіргені керек емес. Өзінің 25 жасына дейін шет елде жүріп ол өз елінің атын бірнеше рет шығарды. Сіз де ұлыңыздың туған күніне орай фильм түсірсеңіз болады, бұл сіздің балаңызға деген шексіз махаббатыңыздың белгісі болады”, – деді композитор.

Алматыда Сафар Шәкеевтің туған күніне орай еске алу кеші өткен болатын. 2 қыркүйекте Сафар Шәкеев 25 жасқа толар еді. Қайтыс болған жігіттің туыстары, жақындары, достары және әріптестері еске алды. “Арман” кинотеатрының үлкен экранында оның қысқаметраж фильмдері қойылды: Facing you (2010) , Lotus (2012) және Thank you for flying (2014). Ол бұл фильмдерді АҚШ-та оқып жүрген кезінде түсірген. Айта кетейік, Сафар Шәкеевтің туындылары АҚШ-та ұлттық дарынды жастар байқауының жеңімпазы атанған.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

1 пікір

  1. Ажал айтып келмейді ғой, бәрі Тәңірдің ісі, үлкен қайғы әрине, есейіп қалғанда, қайыр болсын!

Пікір қосу

Қалдыратын пікіріңізді осында жазыңыз!
Есіміңізді жазыңыз!