Алматы автобусында бір реттік жол жүру ақысы 150 теңге болмақ

Алматыда қоғамдық көліктердегі бір реттік жол ақысы «Оңай» картасы арқылы төленетін жол ақысынан қымбат болады. Бұл туралы бүгін Алматы әкімдігі жанында өткен брифинг барысында Алматы қалалық автокөлік жолдары және жолаушылар көлігі басқармасының бастығы Мақсұт Исахов мәлім етті.

Дереккөз: ҚазАқпарат
1
Алматы автобус
Алматы автобус

«Қоғамдық көліктердегі бір реттік жол ақысының «Оңай» картасы арқылы төленетін жол ақысынан қымбат болғанын қалаймыз.

Қазір «Оңай» карточкасы арқылы 80 теңге төленеді. Ал бір реттік талонның бағасы, қалалық Мәслихаттың шешіміне қарай, алдағы уақытта 100, 120, тіпті 150 теңге де болып кетуі мүмкін. Осылайша, біз тұрғындарды жол ақысын «Оңай» электронды карточкасы арқылы төлеуге ынталандырмақпыз», – деді Мақсұт Исахов.

Ол сонымен қатар, жол ақысын «Оңай» карточкасы арқылы төлеу – жолаушы тасымалдаушы компаниялардың қызметінің ашықтығын қамтамасыз етуге мүмкіндік беретіндігін айтты. Әйтпесе, олардың қанша көлемде табыс табатындығы құпия болып қала бермек. Жол ақысына қатысты өзгерістер тиісті заңнамаға ағымдағы жылдың соңына дейін енгізіледі. Қазір бұл заң жобасы Парламентте жатыр.

Айта кетелік, қазіргі таңда Алматыда қоғамдық көліктерге бір реттік жол ақысын төлеуге арналған терминалдар орнатыла бастады.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

1 пікір

  1. Бұл дейтін мүлдем қатеге. Халықты қанау емеспа.Мүлдем таң қалам осы басшылыққа

Пікір қосу