Жансел Дениз: Арманым Риода жеңіс тұғырынан көрініп, ел үмітін ақтау

Шығыс жекпе-жегі - таэквондо өнерін қазақ еліне алып келген қабылан ұл Мұстафа Өзтүрік еді. Қазір Қазақстанда Мұстафа мектебі қалыптасып, талай тарлан жігіттер осы мектептен шығып жатыр деп бек сенімді түрде айта аламыз.

Дереккөз: Абай ақпарат
3
Жансел Дениз

Жігіттер ғана емес, Мұстафа мектебінен қыздарымыз да тәлім алып, шыңдалу үстінде. Мұстафа Өзтүріктей ағалары жол салып берген соң ба, таэквондаға деген Алаш баласының қызығушылығы алабөтен. Міне, Рио олимпиадасында қазақ елінің Туын ұстап баратын оғланнның есімі де белгілі болды. Ол — таэквондашы Руслан Жапаров. Русланмен бірге Айнұр Есбергенова мен Жансел Дениз де Шығыс жекпе-жегі бойынша өтетін ойында ел намысы үшін бәсекеге түспек. «Қыздар арасындағы бәсекеде сынға түсетін қызылордалық 18 жастағы Айнұр Есбергенова — жас та болса біраз биіктерді бағындырып үлгерген талантты спортшылардың бірі».

Жансел Дениз

Ал, Жансел Дениз (суретте)… бұл спортшының есімі еліміздегі спорт жанкүйерлеріне аса таныс емес деуге болады. Себебі, Жансел — Түркияда дүниеге келген қазақ қызы.

Жансел Дениз 25 жаста (26.08.1991), Түркиядағы қазақ отбасында туған. Ірі жеңістері болмаса да түрлі халықаралық жарыстардың жүлдегері. 2013 жылы Ресейдің Челябинск қаласында өткен Ашық турнирдің жеңімпазы, Еуропа чемпионы. Түркияның сегіз дүркін чемпионы, Austrian Open турнирінің екі мәрте күміс және қола жүлдесін еншілеген, Russian Open жеңімпазы, Dutch Open мен Trelleborg Open жарыстарының қола жүлде иесі, Ukraine Open және Moldova Open турнирлерінің екі мәрте күміс медалін олжалаған.

Жансел Дениз

Ол Олимпиадаға дейін +67, +73 салмақтарда сынға түсіп келген. Жансел — Түркия қазақтары арасында Мұстафа Өзтүрік бастаған таэквондо жолын жалғастырушылардың бірі. 2014 жылдың соңында Қазақстан азаматтығын алған Жансел Дениз Олимпиадада +67 келі салмақта өнер көрсетеді.

Жансел Дениз

Ол Рио олимпиадасына жолдаманы Филиппин елінің Манила қаласында өткен Азия құрлығы бойынша іріктеу турнирінде жеңіп алған болатын.

Жансел Дениз Қазақ қызы

«Алғашқы қатысқалы отырған Олимпиадамда алғаш рет қазақ елінің туын желбіретіп шыққалы тұрмын. Өзге елде тусам да, өз елім атынан Олимпиадаға бару мен үшін ең үлкен қуаныш. Ендігі мақсат — ұлт намысын ұятқа қалдырмау. Қазір осы мақсатқа жету үшін барынша тер төгіп жаттығып жатырмын. Арманым Риода жеңіс тұғырынан көрініп, ел үмітін ақтау», — деді Жансел.

Мұстафа жолын жалғастыруға тәуекел еткен қарындасымызыға сәттілік серік болсын!

Суреттер: https://www.instagram.com/cansel_deniz_12/

Дереккөз: Абай ақпарат

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

3 пікір

  1. Синилимизге женис пен саттилик тилеймиз… тек алга (кешириниздер, менде казакша шрифтер жок еди)

  2. сіңліміз Риодан жеңіспен оралуына тілектеспін. Алтын медальды мойнына тағып оралсын лайым!

Пікір қосу