Сегіз жылын жындыханада өткізген Маржан Тұрлыбаеваны әкесі іздеп келді

Өмірінің сегіз жылын ақыл-есі кем жандардың ортасында өткізіп, кейін өмір бойына жындыханаға тоғытылған бойжеткен Маржан Тұрлыбаева оқиғасына нүкте қойылатын күн жақын. Жақында көпшілікке өзін Маржанның әкесімін деп таныстырған Ермек Мадуарбекұлы бойжеткеннің биологиялық әкесі болып шықты. Дереккөз: NUR.KZ

1
Маржан Тұрлыбаева түркістан

ДНК сараптамасының қорытындысы бойынша Маржан мен Ермектің туыстық байланысы 99,9 пайызға сәйкес болып шыққан. Бұл туралы Тұрлыбаева тағдырын көпшілікке бірінші болып жеткізген журналист Гүлжан Байназарова айтып берді.

«Алла қаласа Маржан Тұрлыбаева шамамен бір апта көлемінде бостандыққа шығады. Әрине, сот үкімі заңды күшіне енуі тиіс алдымен. Мен Маржанның тағдырына алаңдағандардың бірі болып бұл іске білек-сыбана кіріскендердің бірі болдым. Әр қазақ өз тегін, руын білуі тиіс қой. Содан Маржанның әкесін іздедім. Талай қаланы аралап, табан тоздырып, әйтеуір Маржанның анасын танитындардың арқасында Ермек Мадуарбекұлы деген азамат Тұрлыбаеваның әкесі екенін білдім. Іздестіріп жүріп, ол кісімен байланысып, мән-жайды айттым», – деді журналист.

Ары қарай болған оқиға көпшілік үшін таныс. Бұл мәселеден хабардар болған Ермек Мадуарбекұлы Шымкентке арнайы келіп, ДНК сараптамасын күтіп отырғанын, оң нәтиже берсе, әкелік міндетін орындауға әзір екенін мәлімдеген болатын.

Айта кетейік, Ермек Мадуарбекұлы Оңтүстік Қазақстан облысының тумасы. Бүгінде Астана қаласында тұрады.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

1 пікір

Пікір қосу

Қалдыратын пікіріңізді осында жазыңыз!
Есіміңізді жазыңыз!