Дәурен Абаев ақпарат және коммуникация министрі болып тағайындалды

Президенттің баспасөз хатшысы Дәурен Абаев ақпарат және коммуникация министрі болып тағайындалды деп хабарлайды Ақорданың баспасөз қызметі. "Дәурен Әскербекұлы Абаев Қазақстан Республикасының Ақпарат және коммуникациялар министрі болып тағайындалсын", - деген президент жарлығын Ақорданың баспасөз қызметі хабарлады.

0
Дәурен Абаев

Министрлік ұжымына жаңа басшыны премьер-министр Кәрім Мәсімов таныстырды.

Дәурен Әскербекұлы Абаев 2001 жылы Әл-Фараби атындағы Қазақ ұлттық университетін, 2006 жылы Лейден университетін тәмамдады.

2001 жылдың тамызы мен 2003 жылдың тамызы аралығында Қазақстан Республикасы Сыртқы істер министрлігінің орталық аппаратында жұмыс істеді.

2003 жылдың мамыры мен 2007 жылдың мамыры аралығында Қазақстан Республикасының Әзербайжандағы және Нидерланд Корольдігіндегі Елшіліктерінде дипломатиялық қызмет атқарды.

2007 жылдың мамыры мен 2007 жылдың желтоқсаны аралығында – Қазақстан Республикасы Сыртқы істер министрлігінің Баспасөз қызметі бөлімінің бастығы.

2007 жылдың желтоқсаны мен 2008 жылдың желтоқсаны аралығында – Қазақстан Республикасы Президенті Протоколының бас сарапшысы, консультанты.

2008 жылдың желтоқсаны мен 2009 жылдың қазаны аралығында – Қазақстан президенті баспасөз хатшысының орынбасары.

2009 жылдың қазанынан – Қазақстан президенті Әкімшілігінің Мемлекеттік бақылау және аумақтық-ұйымдастыру жұмысы бөлімінің мемлекеттік инспекторы.

2011 жылдың қазанынан бүгінге дейін Қазақстан президентінің баспасөз хатшысы қызметін атқарды.

Қазақ, орыс, ағылшын тілдерін меңгерген. Үйленген, екі бала тәрбиелеуде.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу