Нұрсұлтан Назарбаев Алматы әкімімен кездесті

Нұрсұлтан Назарбаев Алматы қаласының әкімі Бауыржан Байбекті қабылдады. Бұл туралы Ақорданың ресми сайты.

12
Нұрсұлтан Назарбаев Бауыржан Байбек

Мемлекет басшысына кездесу барысында Байбек Алматы қаласын дамыту жөніндегі кеңесте берілген тапсырмалардың орындалуы туралы баяндады.

Атап айтқанда, әкімдік әл-Фараби көшесінен жоғарыда орналасқан құрылыстар қабатын шектеу жөнінде қаулы қабылдап, «Медеу» таулы спорт кешені мен «Шымбұлақ» тау шаңғысы курортының аумағына автомобильдердің кіруіне тыйым салды. Бұл ретте экологиялық таза көлік түрлеріне көшуді ынталандыру мақсатымен электромобильдердің өтуіне рұқсат етілді.

Қаланы сапалы ауыл шаруашылығы азық-түлік өнімдерімен қамтамасыз ету аясында кешенді шаралар жүзеге асырылуда. Мәселен, «Атамекен» Ұлттық кәсіпкерлер палатасының қолдауымен өңіраралық кооперацияны дамыту жұмыстары жүргізіліп жатыр. Сонымен қатар, көлік және сауда инфрақұрылымдарын кеңейту мақсатымен нысандар салынуда.

Бұлар көкөністер бағасының маусымдық құбылмалылығын азайтуға мүмкіндік береді. Алатау ауданында жылыжай кешенін салу жөніндегі жоба аяқталып келеді, ол сырттан әкелінетін қызанаққа деген сұранысты 75 пайызға төмендетуге мүмкіндік береді. Ел өңірлерінің қолдауымен биыл қалада 800 ауыл шаруашылығы жәрмеңкесін өткізу жоспарланып отыр.

Сондай-ақ Алматы қаласының әкімі «Алматы-2020» бағдарламасын жүзеге асыру, ПИК-терді реформалау, Алматы агломерациялық белдеуінде жаңа жұмыс орындарын ашу жөнінде қабылданып жатқан шаралар туралы баяндады.

Сонымен қатар, мемлекеттік органдардың халық алдындағы есептілігі қамтамасыз етілді, негізгі мәселелер қала тұрғындарымен бірлесіп талқыланды, Қоғамдық кеңес отырысы өткізілді.

Мемлекет басшысы кездесу қорытындысы бойынша бірқатар нақты тапсырма берді.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

12 пікір

  1. Алматы секілді мегатполистың одан әрі жақсаруы мақсатында іс жүргізген оңтайлы.

  2. Алматының экологиясын жақсартуға бағытталған жұмыстар өз нәтижесін береріне сенемін.

  3. Жетісу өңіріның табиғи кереметін сақтап қалу үшін осындай оңтайлы жұмыстардың жасалғаны орынды.

  4. Иа, Оңтүстіктің барлық мүмкіндіктерін пайдаланып, жылыжай аясын да кеңейткен дұрыс.

  5. Байбекке үлкен сенім арттылуда. Алматының жасыл қала атты статусын сақтап қалса игі.

  6. Алматы әкіміміз «Алматы-2020» бағдарламасын аяғына дейін жеткізеді деп сенемін.

Пікір қосу