Шымкентте ретсіз сауда мен жарнамаларды жою жұмыстары енді велосипедтің көмегімен жүзеге асады

Әл-Фараби ауданы аумағындағы ретсіз сауда мен жарнамаларды жою жұмыстары енді велосипедтің көмегімен жүзеге асады. Заңсыз сауда орындарының иелеріне жүйелі түрде ескертулер беріп, түсіндіру жұмыстарын жүргізу үшін әкімдік қызметкерлері велосипедке отырып, рейдтік шара ұйымдастырды.

0
Шымкент велосепед

Кезекті тексеру кезінде аудан әкімінің орынбасары Серік Нұрманов велокомиссияны өзі бастап, Қазыбек би көшесінің бойында жарнама тақтайшаларын бей-берекет орналастырған дүңгіршек иелеріне ескерту жасады. Айта кетерлігі, биыл ҚР «Әкімшілік құқық бұзушылық туралы» Кодексінің 204-бабына сәйкес, 403 хаттама толтырылып, оның 24-не 318 150 теңге көлемінде айыппұл салынып, 143 168 теңге өндірілді. Ал, 505-бап бойынша 217 хаттама толтырылып, 3-не 127 260 теңге көлемінде айыппұл салынып, 84 840 теңге өндірілді.

Алдағы уақытта бұл бағыттағы жұмыстар жалғасады. Қазіргі таңда кәсіпкер азаматтардың демеушілігі есебінен аудан әкімдігіне 4 дана велосипед сыйға беріліп отыр. Алдағы уақытта қала экологиясының тазалығына оң әсер ететін бұл жоба басқа аудан әкімдіктерінен қолдау табады деп күтілуде.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу