Бердібек Сапарбаев ақтөбеліктерге өтірік уәде бере алмайтынын ашып айтты

Бүгін Ақтөбе облысының әкімі Бердібек Сапарбаев брифинг өткізді. «100 нақты қадам» Ұлт жоспарының облыста жүзеге асырылу барысын баяндаған басшы журналистердің сұрақтарына да жауап берді. Соның бірі ақтөбеліктерге жыр болған жол мәселесі деп жазады NUR.KZ тілшісі. Дереккөз: nur.kz

1
Бердібек Сапарбаев
nur.kz

«30-40 жылда шешілмеген мәселенің бәрін ертең шешіп тастаймыз деп сіздерге өтірік уәде бере алмаймын. Ақтөбе қаласында жолдың 44 пайызына ғана асфальт төселген. Қаланың әкімі мен орынбасарыма тапсырма беріп, бірінші қандай көшелердің жөнделетінін нақтыладық. Үш жылда, әрі кетсе  бес жылда қаладағы 537 көшенің барлығына асфальт төселеді. Екінші мәселе, осыған дейін сапасыз салынған жолдарды мердігер компаниялардың есебінен жөнделуіміз керек», – деді Сапарбаев.

Сонымен қатар облыс әкімі футбол клубы жөнінде де түсіндіріп кетті.

«Ақтөбеде футбол тоқтамайды. Командада жергілікті ойыншылар басым болу керек. Бірақ, жергілікті футболшылардың біліктілігі жеткіліксіз. Біздің жас футболшыларымыз үйрену керек. Ал, “Ақтөбе” футбол клубының директоры Васильевке қатысты айтсам, біз оған белгілі бір мерзім бердік. Ол міндет алды, егер оны орындай алмаса оның қызметтен кетуі мүмкін деген сұрақ қаралады», – деді футбол жөніндегі даудың доғарылуы керектігін айтқан облыс әкімі.

Сапарбаев ақтөбелік шенеуніктерге журналистермен жақсы қарым-қатынас ұстауды тапсырғанын айтты.

«Проблемаң аз болсын десең, журналистермен жиірек сөйлес. Сонда ғана халықтың пікіріне құлақ түресің деп жатырмыз», – деді Бердібек Машбекұлы.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

1 пікір

  1. осы кісі сияқты әкімдер санаулы екені сөссіз . Өткені ол АЛЛАДАН ғана қорқады.

Пікір қосу

Қалдыратын пікіріңізді осында жазыңыз!
Есіміңізді жазыңыз!