Еліміздегі ең алғашқы McDonalds 8 наурызда ашылады

Қазақстандағы ең алғашқы «МакДональдс» мейрамханалар желісі 8 наурыз күні Астанада ашылады. Бұл туралы бүгін Мәскеуде өткен баспасөз мәжілісінде Қазақстандағы «МакДональдс» франшизасының иесі Қайрат Боранбаев мәлімдеді. Бұл туралы skifnews.kz хабарлайды. Дереккөз: sn.kz

0
МакДональдс Алматы

Осылайша Қазақстан McDonalds брендін қабылдаған әлемдегі 120-шы мемлекет атанып отыр. Қайрат Боранбаевтың айтуынша, осынау америкалық компанияның елімізде өкілдігін ашу үшін он жылға жуық уақыт кеткен.

«Алдымен Қазақстанда 8 «МакДональдс» мейрамханасын ашамыз: төртеуі Астанада, төртеуі Алматыда. Мұнан кейін олардың санын жақын уақытта 15-ке жеткізу көзделіп отыр. Ал, болашақта бүкіл облыс орталықтарында McDonalds мейрамханалар желісі болады» деп атап өтті Боранбаев.

Әзірге МакДональдс тағамдарына қажетті өнімдердің негізгі бөлігі Ресейден тасымалданатын болады. Өйткені, Қазақстанда осынау әлемдік брендтің стандраттарына сай келетін өндіруші жоқ. Қазақстан тарапы тек сусындармен ғана қамтамасыз етеді.

«Әрине, біз өз еліміздің өндірушілерінің осынау бизнеске қатысқанын қалаймыз. Дегенмен, МакДональдстың 500-дей талабы бар. Оның бәріне жауап бере алатын Қазақстанда өндіруші әзірге жоқ. Бірақ, алдағы уақытта болатынына сенімдіміз» деп атап өтті Қазақстандағы «МакДональдс» франшизасының иесі.

Айта кетейік, Қазақстандағы McDonalds мейрамханаларының негізгі қызметкерлері Ресей мен Беларус елінде 1 жылға жуық уақыт біліктілігін арттырған.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!