Әділбек Жақсыбеков Астанада жұмыссыздық жоқ екенін айтты

Миграцияның көптігіне қарамастан, елорадада жұмыссыздық көрсеткіші ел бойынша ең төмен болып саналады деп жазады Қазақпарат. Дереккөз: ҚазАқпарат

0
Әділбек Жақсыбеков Астана

Бұл туралы  бүгін халық алдында есеп беру жиынында Астана қаласының әкімі Әділбек Жақсыбеков мәлім етті.

«Астанада халық алдындағы мемлекеттік әлеуметтік міндеттемелері атқарылып отыр. 2015 жылы 100 мыңнан астам азамат әлеуметтік қолдаудың түрлі шараларымен қамтылды. Оған 4,3 млрд теңге бөлінген болатын», – деп атап өтті Жақсыбеков.

«Миграцияның көптігіне қарамастан, елорадада жұмыссыздық көрсеткіші ел бойынша ең төмен болып саналады. Қалада жұмыссыздық жоқ десе де болады. Себебі 1 миллионға жуықтайтын қалада 3 мың адам ғана жұмыссыздар қатарында. Олар қайта оқытылуда және басқа қоғамдық жұмыстарға жіберіліп жатыр. Жұмыс іздеген адамға жұмыс табылады», – деді әкім.

Әкімнің сөзіне қарағанда, қалада жұмыссыз отыру, өмір сүруге қажетті қаражатсыз қалу деген мәселе жоқ.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу