Димаш Құдайбергенов «Евровидение» байқауына дайындалып жатыр

Қазақстандық жас әнші Димаш Құдайбергенов «Евровидение» байқауына дайындалып жатыр. Бұл туралы Tengrinews.kz тілшісіне Қазақ ұлттық өнер университетінің ректоры Айман Мұсақожаева айтып берді.

Дереккөз: Tengrinews.kz
0
Димаш Құдайбергенов

«Қазақстан әзірше «Евровидение» байқауына қатыспайды, дегенмен біз өтініш беріп қойдық. Димашты қызу дайындап жатырмыз. Ол біздің университеттің екінші курс студенті. Оның жеңіске жететініне күмәніміз жоқ. Димаш «Славян базары» байқауында жеңімпаз атанып, еуропа елдеріне танымал болды. Ол өте дарынды», — деді Айман Мұсақожаева.

Сонымен қатар, Димаш Құдайбергенов The Voice UK және USA («Ұлыбритания дауысы» және «АҚШ дауысы») байқауларына қатысуды жоспарлап отыр.

Еске салайық, Димаш Құдайбергенов Витебскте өткен «Славян базары-2015″ халықаралық байқауында жеңімпаз атанған еді. Ол, сонымен қатар, «Шығыс базары» және «Мейкин Азия» байқауларының Гран-при иегері.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Пікір қосу