“Кешьюдің” мерейтойлық концертіне Айдана Меденова шақырылмауы мүмкін

2016 жылы KeshYou тобына 10 жыл толады. Осыған орай топтың продюсері Баян Есентаева үлкен жеке концерт беруді жоспарлап отыр деп хабарлайды НТК арнасы.

Дереккөз: nur.kz
0
Кешью

Концертке дайындық қазірден басталып кеткен, себебі оларға топ ғұмырындағы барлық әндерді орындау бұйырып тұр.

Ең алғашында топ Әнел Әрінова, Зумрад Гараева және Мөлдір Әуелбековадан тұрған. 2008 жылы Зумрадтың орнына Наиля Заитова келеді. 2010 жылы оның орнын Кәмшат Жолдыбаева басады.

2012 жылы топқа Айдана Меденова мен Жанар Дұғалова келеді. Дәл осы құрамды көпшілік «Алтын құрам» деп атап кеткен.

Жаңадан келген әнші қыздар топтың атағын дүркірете алмай жүр. Дегенмен, қыздар барынша тырысып-бағуда. Жеке концертке Жұлдыз, Балжан мен Ақбота күнделікті дайындалып жатыр.

Жеке концертке, сонымен қатар, «Алтын құрамның» қыздары да қатысады деп жоспарланып отыр. Алайда бірінші құрамнан тек Әнел Әрінова шақырылған.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Пікір қосу