Медициналық сақтандыру жарнасын мемлекет төлейді

10 млн қазақстандық үшін медициналық сақтандыру қорына жарнаны мемлекет төлейтін болады. Дереккөз: Inform.kz

0
Медициналық сақтандыру

«Медициналық сақтандыруға барлық 18 миллион қазақстандық ілігеді. Ол нәрестелерден бастап егде адамдарға дейін әр адамды қамтиды. Бұл ретте, мемлекет экономикалық жағдайы төмен халық үшін жарнаны өзі жүзеге асырады. Бұл 14 түрлі санаттағы 10 млн 30 мың адам. Оның ішіне 18 жасқа дейінгі балалар  да енді. Қалған  7 млн.-нан астам адам – сақтандыру жарнасын өздері төлей алатын жұмыс істеуге қабілетті халық.  Олардың дені жұмыс берушілер», – деп түсіндірді Шығыс Қазақтандағы өңірдің диагностикалық орталығының штаб үйлестірушісі Зәуреш Балкенова.

Бұдан бұрын хабарланғандай, Қазақстанда  мемлекет, жұмыс беруші, әр адамның жауапкершілігіне негізделген міндетті медициналық сақтандыру жүйесі енгізілуде.

МӘМС аясында сақтандырылған азаматтарға дәрі-дәрмектермен қамтамасыз етілумен амбулаториялық-емханалық көмек, стационарлық медициналық жәрдем, жоғары технологиялық медициналық қызметтер, стационарды алмастыратын технологиялар, ұзақмерзімді медбикелік күтім көрсетіледі.

Медициналық көмек көлемі қорға аударылатын жарна сомасына тәуелді болмайды. Тек бұл аударымның тұрақты жүргізіліп тұрғаны маңызды.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!