Мейвезер: Сауль Альварес Геннадий Головкинді нокаутпен жеңеді

Әйгілі америкалық боксшы Флойд кіші Мейвезердің (49-0, 26 КО) пікірі бойынша мексикалық Сауль «Канело» Альварес (48-1-1, 34 КО) шаршы алаңда қазақстандық Геннадий Головкинді (36-0, 33 КО) еш қиындықсыз жеңе алады. Бұл туралы vesti.kz хабарлады. Дереккөз: vesti.kz

7
Сауль Альварес Геннадий Головкин

«Канело» GGG-ді жеңуге қауқарлы. Ол тіпті, кездесуді уақытынан бұрын әрі нокаутпен жеңеді десем қателеспеген болар едім. Егер Брук бірнеше жойқын соққысын дарыта алған болса, не боларын ойлап көріңіздер. Альварес менің қарамағымдағы жігіт болса, жекпе-жектің қазіргі уақытта өтуіне жол бермес едім. Промоутер болып қызмет еткендіктен, бизнес жағындағы мәселелерді жақсы білемін. Бұл істі жоспарлы түрде жүзеге асыру керек», ­– деді Мейвезер.

Айта кетейік, Головкин мен Альварес арасындағы ұрыс алғашында 2016 жылы өтуі тиіс болатын. Алайда, мамыр айында мексикалық боксшы бұл кездесуден бас тартқандықтан орта салмақтағы оның WBC белбеуі Геннадийге берілді.

Осыған дейін Альварестің Головкинмен жекпе-жегін биылға жоспарлағаны әлемдік БАҚ беттерінде хабарланған. Мәліметтер бойынша, келіссөздер барысында қос тарап қаржы мәселесінде ортақ келісімге келе алмауда.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

7 пікір

  1. Оттай бермесн айтып барындар Қанат айтты деп. Келсе Альвайрес па Мальвайрес па айырып жиберем. Тилин жинасын.Щщс

  2. Нагыз жигит истеймин демейди, истедим дейди сондыктан казакстандык Гена да тек созбен емес испен далелдейтин болар , сондыктан биз отандасымызга тек алдагы жекпе-жегине саттилик тилейик!

Пікір қосу