“Бүкілресейлік Командалық Олимпиаданы” тұңғыш рет қазақ балалары ұтып алды

Қазақ балалары тұңғыш рет мектеп оқушылары арасында информатикадан өткен «Бүкілресейлік Командалық Олимпиаданы» жеңіп алды. Аты ре­сей­лік болғанымен бұл олимпиаданы ашық чемпионат деп айтқан жөн, деп жазады "Егемен Қазақстан" газеті.

Дереккөз: Егемен Қазақстан
0
Ресейдегі информатика олимпиадасы

Чемпиондық коман­да­­ның құра­мын­да болып, алтын медаль алуға атса­лыс­қандар: астаналық қазақ-түрік лицейі­нің оқу­шысы Санжар Бидайбек және ал­ма­ты­лық қазақ-түрік лицейінің оқушы­лары Асхат Жалғасов пен Нұрбақыт Мәдибек.

Айта кетейік, Бүкілресейлік Командалық Олимпиадаға жыл сайын ТМД елдері бойынша 200-ден астам команда қатысады. 2000 жыл­дан бері жарыс 16 рет өткізілсе, со­ның 12-сінде ресейлік, 4-еуінде белорус­тық балалар жеңімпаз атанған екен. Қазақстандықтардың ең жоғарғы нәтижесі – 2013 жылғы 6-орын. Мұндай үлкен дәрежеде өтетін информатикалық олимпиадада сәтті өнер көрсеткендердің болашақта Google, Facebook, Twitter сынды танымал компа­ния­ларда жұмыс жасау мүмкіндіктері мол.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Пікір қосу