Рекс Тиллерсон АҚШ-тың жаңа мемлекеттік хатшысы

АҚШ-тың сайланған президенті Дональд Трамп елдегі «ExxonMobil» ірі мұнай компаниясының басшысы Рекс Тиллерсонды мемлекеттік хатшы лауазымына таңдады. Дереккөз: ҚазАқпарат

0
Рекс Тиллерсон

Рекс Тиллерсон 64 жаста. Ол Остиндегі Техас университетін тәмамдаған. Тиллерсон өмірінің қырық жылға жуық уақытын ExxonMobil-ге арнаған. Алғашқыда қатардағы инженер ретінде жұмысқа келген ол 1990 жылдары компанияның Ресейдегі жобаларымен айналысты.

Мамандардың болжауынша, Тиллерсонның мемлекеттік хатшы болуы АҚШ-Ресей қатынасын жақындастырмақ. Себебі ол бұрын Ресеймен тығыз әріптестік орнатып, 2013 жылы тіпті Ресейдің «Достық» орденімен марапатталған еді.

Айта кетейік, Тиллерсоннан бөлек бұл қызметке президенттікке бұрынғы үміткер Митт Ромни, АҚШ-тың БҰҰ жанындағы тұрақты өкілі Джон Болтон, сенатор Боб Коркер, ҚХР-дағы бұрынғы елші Джон Хантсман, сенатор Джо Манчин, БТБ (ЦРУ) Дэвид Пэтрэус, саясаткер-республикандық Дану Рорабакер және отставкадағы адмирал Джеймс Ставридисті үміткер болған.

Бұдан бұрын америкалық басылымдар Дональд Трамптың аталмыш лауазымға үміткер ретінде  ауғанстандық Залмай Халилзаданы жөн көріп отырғанын жазған еді. 

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу