Дубайда 8 минутта 200 есеп шығарған қазақ қызы жеңіске жетті

Дубайда өткен халықаралық жарыста 7 жасар ақтөбелік оқушы Алина Әлиева бірінші орын иеленді. Ол қаладағы ментальді арифметика курсына 5 жасынан бастап қатысқан. Бұл туралы aktobenews.kz хабарлайды.

Дереккөз: http://aktobenews.kz/
1

Ақтөбе қаласындағы №3 мектептің 2-сынып оқушысы аптасына бір рет 2 сағаттық курсқа қатысады. Анасы Айгүл Бакиева қызын 2014 жылдың 1 қарашасынан бастап ментальді арифметикаға апарған. Ол 2-сынып оқушысының осы уақытқа дейін жеткен жетістігінің көңіл көншітетіндігін айтады.

“Алина 2015 жылдың 1 наурызында өткен үшінші республикалық байқауда үшінші орынды алған болатын. Ал мамыр айында өткен төртінші республикалық байқаудан екінші орын алып келді, — дейді анасы.

Бірнеше рет бағын сынап жүрген Алина 2016 жылдың 11 қарашасында Дубай қаласында өткен ХХІ халықаралық ментальді арифметика жарысында бірінші орын алды. Жарысқа 57 елден 4 мың оқушы қатысқан. Балаларға 8 минутта 200 есеп шығару тапсырылған. Жасының кішілігіне қарамастан ақтөбелік оқушы тапсырманы мүдірмей орындап шыққан.

Айта кетейік, халықаралық жарысқа Қазақстаннан 68 бала қатысты.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

1 пікір

Пікір қосу