Ұлттық банк теңге бағамына қатысты ахуалға түсініктеме берді

Ұлттық банктің ресми сайты 2015 жылдың желтоқсанындағы валюта нарығының ахуалы туралы ақпараттық хабар таратып, теңге бағамына қатысты түсініктеме берді.

0
ulttyk bank ұлттық банк

“Теңгенің айырбастау бағамы негізінен әлемдік қаржы, тауар нарықтарындағы баға ахуалының серпінімен және ішкі нарықтағы шетел валютасына деген сұраныспен айқындалатын факторлардың әсерімен қалыптасады. Мұнай бағасының 2014-2015 жылдары төмендеуі төлем балансының және, тиісінше, ішкі валюта нарығындағы баланстың айтарлықтай нашарлауына әкеп соқты. 2015 жылғы желтоқсанның басынан бері Brent маркалы мұнай бағасының бір баррель үшін 44,4 доллардан 37,8 долларға дейін немесе 15%-ға құлдырауы айырбастау бағамына қосымша қысымның түсуіне әкелді”, – делінген хабарламада.

Осы орайда банк теңге бағамының қысқамерзімді ауытқуын реттеу үшін ішкі валюта нарығына ғана қатысатынын ескертті.

“Ұлттық Банк теңге бағамының қысқамерзімді ауытқуын реттеу мақсатында ішкі валюта нарығына қатысады, бірақ бұл ретте шетел валютасына деген сұраныс пен ұсыныстың арақатынасын айқындайтын іргелі факторлардың әсеріне кедергі келтірмейді”, – дейді банк басшылығы.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!