Суды қалай үнемдеу керек?

Су тамшылап тұрған краннан тәулігіне 24 литр, айына 720 литр, жылына 8 мың 784 литр су ағады. Ал, еліміздегі суық су тарифі 1 куб метр су үшін 64 теңгені құрайды. Есептей беріңіз, қанша ақша үнемсіздік үшін төленіп жатыр? Дереккөз: Ливень.LivingAsia

0
Суды үнемдеу

Егер біздің күнделікті жұмсайтын суымыздың мөлшерін есептесек, өте көп екенін көреміз.

Инфографика күніне қанша су

2016 жылдың тамыз айындағы көрсеткіштер бойынша, еліміздегі суық су тарифі 1 куб метр су үшін 64 теңгені құрайды. Олай болса, суға кететін шығынды қалай азайтуға болады? Суды қалай үнемдеу керек?

Үнемді аэратор

Аэратор – су кранына арналған қондырғы. Оның екі түрі бар. Біріншісі тор сүзгі түрінде болады. Ол су ағынын азайтып, жан-жаққа шашырауының алдын алады. Екіншісі – суды үнемдеп қана қоймай, оған оттегі беретін аэратор. Ол су ағынын тежеп, екі есе аз ағуын қамтамасыз етеді. Нәтижесінде, аэраторсыз краннан минутына 15 литр су ақса, аэратормен 6-7 литр ағады.

Екі түрлі ағызу режимі бар унитаз

Егер унитазыңызды ауыстыру туралы ойлап жүрсеңіз, екі түрлі ағызу режимі бар түрін таңдағаныңыз жөн. Ол әр қолданған сайын суды қажеттілік мөлшеріне қарай үнемдеуге көмектеседі. Қарапайым унитаз бір дегенде 9-15 литр су жұмсаса, осындай үнемді унитаз 3-6 литр су ағызады.

Араластырғыш қосу тетігі

Әдетте суық су мен ыстық судың краны екі бөлек болады. Біз жылы су ағызу үшін әр кранды бір бұрап, біраз суды текке ағызып аламыз. Осы жағдайдың алдын алу үшін кранға араластырғыш қосу тетігін қою керек. Ол екі суды араластырып, тез арада жылы су ағызады.

Жеміс-жидек жууға арналған ыдыс

Жеміс-жидектер мен көкөністерді кранға жуу судың өте көп мөлшерде шығындалуына әкеледі. Оның орнына ыдыс қолданып, керек затыңызды жуып болған соң, суды төгіп тастаған жөн. Бұл әдісті кез келген азық-түлікті жуғанда қолдансаңыз, біраз суды үнемдейсіз.

Тіс тазалағанда 1 стақан су қолдану

Дәл жеміс-жидекті жуған сияқты тіс тазалауға стақан қолдану керек. Кранды қосып, тіс щеткасын жуып аламыз, кейін стақанға су толтырып, кранды өшіреміз. Тіс жуып болған соң, ауызды стақандағы сумен шаямыз. Осы арқылы күніне 45 литр су үнемдеуге болады.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!