Қазақстандықтар қандай смартфондарға құмар?

Қазақстандықтардың қандай смартфонды жиі сатып алатынын туралы ақпарат Kaspi.kz сайтының сараптамалық зерттеуінде көрсетілген. Дереккөз: 7Kun.kz

0
Ұялы телефон

Бір жыл ішінде  Kaspi.kz дүкенінде 115 мың смартфон сатып алынған. Бұл электроника бөлімінде ең көп сатылған тауарлардың бірі.

Ішіндегі ең көп сатылғаны —  Samsung смартфоны. Оның сатылымдағы үлесі 52%-ды құрайды. Екінші орында — Apple (30%), үшінші — LG(6%). Жалпы алғанда сайттағы үш бірдей брендтің сатылымы 88% болған. Тұтынушылардың 1−2%-ы қытайлық және тайваньдық гаджеттерді сатып алған.

Танымал 20 үлгінің ішінде ең көп сатылғаны Apple өнімі —  iPhone 6 мен iPhone 6S. Олар сайттағы жалпы сатылымның  20%-на ие.

Ал Samsung Galaxy-дің тұтынушылар арасында 12 моделі танымал. Оның ішінде Galaxy A3 және Galaxy A5 сатылымы — 16%.

Ал басқа брендтер арасында 20 танымал модельдің қатарына Xiaomi, LG K10 және Meizu M2 Note кіреді. Kaspi.kz-тегі әрқайсысының бір жылдағы сатылымы 1%-ды құрайды.

Сатып алушылардың 82%-ы смартфонды кредитке сатып алады, 15%-ы бөліп төлегенді жөн көреді. Ал қалған 3%-ы қолма қол төлем жасап немесе жеткізу қызметін пайдалану арқылы сатып алады.

Қазақстандықтар көбіне құны 100 мың теңгеден аспайтын гаджеттерді сатып алады. Олардың үлесі шамамен 53% болады. Ал бағасы 200 мың теңгеден асатын смартфондарды бір жыл ішінде тұтынушылардың 19%-ы сатып алған. Сондай-ақ, Kaspi.kz сайтында 100-150 мың теңге аралығындағы смартфондар сатылымы — 15%, 150-200 теңгелік смартфондар 12%-ды құрады.

Тиімді бағалар бойынша Samsung бренді алдыңғы орында. Олардың бағасы 28 мың теңгеден басталады. Ал IPhone-ның ең төменгі бағасы шамамен 180 мың теңге. Сондықтан алма бренді бағасы бойынша қымбат смартфондар арасында бірінші орынға ие.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!

Пікір қосу

Қалдыратын пікіріңізді осында жазыңыз!
Есіміңізді жазыңыз!