«Ифтар», «машаллах» деп айтпаңдар — Дін істері министрі Нұрлан Ермекбаев

Бүгін Орталық коммуникациялар қызметінде өткен баспасөз мәжілісінде ҚР Дін істері және азаматтық қоғам министрі Нұрлан Ермекбаев соңғы жылдары елімізде жиі қолданып жүрген «ифтар», «машаллах» секілді араб тіліндегі сөздерді қолданбауға кеңес берді, деп хабарлайды Baq.kz.

Дереккөз: baq.kz
1
Нұрлан Ермекбаев, Дін істері және азаматтық қоғам министрі

«Қазақ тілі өте бай. Сондықтан кірме сөздерді қолданбауға тырысайық. Бүгінгі таңда кейбір азаматтар кірме сөздерді қолдануға құмар. Оған мысал ретінде «ифтар», «машаллах» сөздерін» айтуға болады. Әйтпесе, «ифтарды» қазақ халқы осы уақытқа дейін ауыз ашар, «машалланы» құдай қаласа деп айтып келді ғой. Сондықтан теріс ағымдарға тойтарыс беру үшін біз өз рухани құндылығымызды сақтап қалуымыз керек. Сол кезде жастарымыз жат ағымдарға ермейтін болады», – дейді Нұрлан Ермекбаев.

Министрдің айтуынша, теріс радикалды идеологияға қазақы дәстүрімізбен ғана тойтарыс бере аламыз. Айта кетейік, соңғы жылдары сәресін- суһу, ауызашарды-ифтар деп айту белең алып кеткен болатын.

«Дін саласындағы ең маңызды міндет — еліміздің дамуының зайырлы қағидатын қамтамасыз ету және нығайту. Яғни, азаматтардың ар-ождан бостандығын бұлжытпай кепілдендіру, оның дінді таңдай алу немесе діннен бас тарта алу құқығын қамтамасыз ету — біздің зайырлық моделіміздің айнымас негізі ретінде қала береді. Осы тұрғыдан алғанда, қоғамымызда берік орныққан конфессияаралық келісімді одан ары нығайту діни бірлестіктермен бірлескен жұмысымыздың аса маңызды бағыты болып қала береді», — деді Нұрлан Ермекбаев.

Сайтта мәтіннен қате таптыңыз ба? Мәтінді белгілеп, Ctrl+Enter пернелерін басыңыз!
Аноним

Кошеде жастарда карисиде боктап журеди орысша казакша.Аллахты еске алу куна ма? сиз озиниз намаз окисызба? Кимнен билим аласыз кай галымнан? Сол галымнын туби пайгамбарга сахабаларга барама? Егер оныныз болыныз.билиниз сиз адасудасыз жане баска адамдарды адастырганыныз ушин,осы омирде де киамет куни де Аллахтын ашуында боласыз.билиниз Аллахтын жазасы оте катты оган ешким шыдамайды.

wpDiscuz