• Тіркелу

Жылқының барлық жасын айтып өтесіздер ме?

+3 дауыс
373 қаралды

Дөнен деген секілді жылқының жасы ше? Осыларды рет-ретімен жазып өтесіздер ме?

HintheF (15,663 балл) 17.02.2014 Жануарлар сұрақ қойды
Сұрақты достарыңызбен бөлісе отырыңыз!

2 жауап

+4 дауыс
 
Жақсы Жауап
Түріне, күтімі және өсу айналасына байланысты қазіргі үй жылқысы орташада 25-30 жыл жасайды. Кей кезде, кейбір жануарлар жасы 40-тан асады. Жазу деректеріне сай ең көп 19 ғ. Ескі Билли деген ат 62 жыл өмір сүрген. Қазіргі заманда, Шуга Пафф деген пони 2007 ж. 56 жаста өліп Гинесс кітабына енген. Жылқы төлдерін былай бөледі: Құлын (биенің жас төлі), Жабағы (6 айдан асқан құлын), Тай (1 жастан асқаны) деп атайды. Ал бұдан әрі ұрғашы жылқыны яғни байталды: Құнажын байтал (2 жастан асқаны), Дөнежін шығар (3 жастағы байтал), Дөнежін байтал (3 жастан асқаны), Бесті бие (4 жастан асқаны), Қасабалы бие (7 – 8 жастағы бие) Кәртамыс бие (11 – 14 жастағы бие) Жасаған бие (20 жастан асқан бие), т.б. атайды. Піштірілмеген еркек жылқының яғни айғырдың атаулары: Құнан айғыр (2 жастан асқаны) Дөнен айғыр (3 жастағысы) Сәурік айғыр (3 – 4 жастағы үйірге салынбағаны) Бесті айғыр (5 жастағысы) Сақа айғыр (11 – 12 жастағысы), т.б.
ulukbek (11,590 балл) 17.02.2014 жауап берді
HintheF 18.02.2014 жж таңдады
Халқымыз еркек жылқыларды айғыр және саяқ деп екіге бөледі. Үйірге түсетін еркек жылқы айғыр, бес жасқа дейін үйірге салмаған еркек жылқы сәурік деп аталады. Бес жастан асқан, ақталған жылқыны азбан, екі жастан асып, үш жасқа қараған еркек жылқыны құнан, төрт жасқа шыққан еркек жылқыны дөнен дейді.

Құлын, Жабағы, Тай, Құнан, Дөнен, Бесті. Әрі қарай жылғының жасын цифрмен айтады. Дөнен 4 жастағы жылқы.

Кастрация жасалған (ақталған, піштірілген) еркек жылқыны Сыр бойында "ақта" деп атайды.

Жылқы төлдері: 
құлын (биенің жас төлі), 
жабағы (6 айдан асқан құлын), 
тай (1 жастан асқаны) деп атайды. 

Ұрғашы жылқы, яғни байтал: 
құнажын байтал (2 жастан асқаны), 
дөнежін шығар (3 жастағы байтал), 
дөнежін байтал (3 жастан асқаны), 
бесті бие (4 жастан асқаны), 
қасабалы бие (7 – 8 жастағы бие), 
кәртамыс бие (11 – 14 жастағы бие), 
жасаған бие (20 жастан асқан бие), т.б. атайды. 

Піштірілмеген еркек жылқының яғни айғырдың атаулары: 
құнан айғыр (2 жастан асқаны), 
дөнен айғыр (3 жастағысы), 
сәурік айғыр (3 – 4 жастағы үйірге салынбағаны), 
бесті айғыр (5 жастағысы), 
сақа айғыр (11 – 12 жастағысы), т.б. 

Қазақ халқы салт мінуге немесе союға арналған еркек жылқыларды жас кезінен піштіріп (тарттырып деп атайды) жібереді. Қазақ тіліндегі ат ұғымы, көбінесе, осындай жас кезінен піштірілген, салт мінуге арналған жылқыға қатысты айтылады. Піштірілген жылқылар үйірге қосылмай, бөлек жайылады. Сондықтан оларды саяқ жылқылар деп атайды. Саяқ жылқылар атаулары: 
ат (піштірілген еркек жылқы), 
сақа ат (11 – 12 жастағысы), 
шобыр (жүк артуға, ұзақ жолға төзімді ат), 
тұғыр (салт мінуге қолайлысы), 
мәстек (аш-тоқтығын білдірмейтін жуас ат), 
азбан (кеш піштіріліп, айғырлық мінезін қоймайтыны), т.б.

+2 дауыс

Құлын, Тай,  Құнан, Дөнен, 5 -ті 6жас 7жас деп ары қарай айтады

excuse (1,843 балл) 17.02.2014 жауап берді
жабағы қайда?

Сұраққа жауап беру үшін кіріңіз немесе тіркеліңіз

Таңдаулы сұрақтар


Ерлер күтім суы мен одеколонның айырмашылығы қандай?


52 жастамын және жұмыссызбын, ешбір мекеме жұмысқа алмайды?


Windows 10 операциялық жүйесін сынап көрдіңіз бе?


Автонесие несиені наурыз айынан бастап төлемей жүрмін. Енді не болады?


Ғаламтор, интернет махаббат болуы мүмкін бе?


Қандай жақсы кітапарды кеңес бере алсыздар?

87,446 сұрақ

218,092 жауап

122,272 пікір

37,619 қолданушы

Кіру

Тіркелу
Сұрақ қою
Онлайн Чат
Құпиясөзді ұмыттым?

Сұрақтар

Жауапсыз сұрақтар
Өзекті сұрақтар
Жақсы жауабы жоқ
Көп қаралған

Санаттар

Ғылым-білім
Денсаулық
Компьютер туралы
Қызықты
Ұялы телефон
Әлеуметтік желілер

Сайт ережесі

FAQ-көмек
Басты сайт ету
Ілмектер
Қазақша видеолар
Аспаз жобасы

Жарнама

Жоба туралы
Кері байланыс
Қазақша Цитата
Codeo
Ел.кз
Қазақша ойындар



...